Молитва к иконе "Благовещенье Устюжская"

Печать
Приимѝ, Всеблагомо̀щная, Пречистая Госпожѐ, Владычице Богородительнице, сия̀ честны̀я да̀ры, Тебе едѝней прикла̀дныя, от нас, недостойных рабов Твоих; от всех родо̀в избра̀нная, всех тварей небѐсных и земных высшая я̀вльшаяся, понѐже бо Тебе ради бысть Господь сил а нами, и Тобою Сына Божия позна̀хом и сподо̀бихомся причастия свята̀го Тела Его и пречѝстыя Кро̀ве Его; тѐмже блаженна есѝ в ро̀дех родов, Богоблаженная, Херувимов светлейши и Серафѝмов честнѐйши су̀щая. И ныне, всепѐтая Пресвятая Богородице, не преста̀й молящися о нас, недостойных рабѐх Твоих, ѐже избавитися нам от вскаго совета лукаваго и всякаго обстоя̀ния и сохранитися нам невреждѐнным от всякаго ядовитаго прило̀га диа̀вольскаго; но даже до конца молитвами Твоими неосуждѐнных нас соблюди, я̀ко да Твоим заступлением и помощию спасаеми, славу, хвалу, благодарение и поклонение за вся в Тро̀ице Едѝному Богу и всех Создателю возсылаем, ныне и прѝсно и во вѐки веко̀в. Аминь.